Monday, March 7, 2016

Binndol e Muulngo Defte Pulaar: Daartol Fedde ARED

 Sonja Fagerberg-Diallo  
Dewbo tuubaak Ameriknaajo cuuɓiiɗo Afrik e ɓamtaare ɗemɗe mum,Sonja Fogerberg-Diallo yeɗii nguurndam mum fu Pulaar, ngal o gallaani tuggude e ñalawma mo o yiytingal haa e foofaango makko wattando.
No taaniraaɓe tutorinooɓe ngal tinndi ɗi njannginiratnoongal entaaɓe saanga nde naange muti haa kuunaali, ñalbi e ɓoti jiitondirɗe e yumum en ndeeƴti; no maamiraaɓe faccirantunooɓe sukaaɓe piɓle maggal coomiiɗe e daarti, e les ɓowle walla gaŋɗe; no rewɓe ñeenyɓe naayeeɓe tinndiniratno ngal, boombi jontuɗi e ceemedaali tokoosi nguurndam suudu e dewgal, Sonja jannginiriingal konngi tappaaɗi e kaayitaaji ɗi ngommbudi ndi momtotaako.
Alaa baawɗo daartude ɗiin giɗli e ngaal jahdigal e yolnde nguurndam ha ɓuri Sonja e hoore mum. O

Saturday, March 5, 2016

Siftorde Dr. Sonja Fagerberg-Diallo


Ñalnde 5 Mbooy (Mars/March) 2008, pulaar waasii gooto e yiɗɓe mum. Korsinnooɗo pinal Fulɓe, rokki nguurndam mum fof ngam ƴellitaare ɗemngal pulaar. Ganndunooɗo ɗemngal wuurnata ɗum ko haaleede kono alɗinta ɗemngal, ɓeyda yaajnude pinal joom mum en, ko winndeede. Doktoor Sonja (Soña) Fagerberg-Diallo, sabu kanko njiɗɗen haalde, yarlitinanoomo nguurndam fof ngam janngude e jannginde Pulaar; o wiɗti o winndi o muuli defte Pulaar.
Doktoor Sonja Fagerberg-Diallo (1951- 2008), ko kanum sosi Associates in Research and Education for Development (ARED). O yalti ko Duɗal Jaaɓihaaɗtirde ngal Minnesota.; o yahrunoo ko jaŋde Afriknaaje (ko toɗɗi pine e neɗɗaagal Afrik). E hitaande 1982 o heɓi doktoraa makko e ɗemɗiyankaagal-tawa tuugnii ko ɗemɗe Afriknaaje- to Jaaɓihaaɗtirde Wiskonsan (University of Wisconsan, Madison).

Yero Dooro Jallo Winndiyanke kadi Katante Leñol Fulɓe

Ceerno Yero Dooro Jallo (1947 2006)
 Yero Dooro Jallo (1947-2006) ko kanum woni ballifiiɗe deftere Pulaar lollunde, nde tiitoonde mum woni : “Ndikkiri Joom Moolo”. Ene wiyee ko kayre woni deftere fento (fiction) adiinde winndeede e ɗemngal pulaar.
Ceerno Yero Dooro hoɗii aduna ko e nder Fuuta Tooro e wuro ene wiyee Beylugge, jeyaa hannde ko e leydi Muritani, kono jibnaaɓe makko iwdi mum en ko to wiyetee Lummbol Sammba Abdul e nder leydi Senegaal.
Hono no kala ɓiyngel jibinaangel e nder Fuuta ni, nde Yero dañi duuɓi jeegom (6) naatnaa alluwal Qur'aan, caggal ɗum o naati duɗal

Wednesday, February 24, 2016

Maaygol kala Ɗemngal ko Baasal Winndere kala


E nder aduna he, kala balɗe sappo e nay (14) ɗemngal ene maaya. “Ɗo e hitaande 2100,” wittiyankeeɓe ɓe mbiy “feccere e ɗemɗe 7000 kaalateeɗe e aduna he ene mbaawi majjude te ko ɓuri heewde e majje mbinndaaka kadi eggaaka e leppi.” Ɗuum firti so ɗeen ɗemɗe maayi ma ɗe nawar laakara ngaluuji ganndal keewɗi, ko yowtii e daartol, pinal, e gannde taariindi maɓɓe.
Ko ɗemngal saaktata pinal rewrude e yimɓe haalooɓe ngal e ko ngal newnani joom mum en waawde wiyde. Konnguɗi cifotooɗi won e geɗe pinalyankeeje keeriiɗe walla yiyannde ene mbaawi waasde firaade e ɗemngal goɗngal haa laaɓta. Ko heewi e ɗemɗe gonɗe e kallulaha ɗe, ko ɗemɗe jogiiɗe

Sunday, February 21, 2016

Ñalgu Winndere Ɗemngal Neeniwal

 Ŋam mawnin'de Ñalngu Winndere Ɗemngal Neeniwal, eɗen ngartira winndannde men nde mbinndunoɗen rawane ndeya.
E nder batu mum jooɗinoongu e lewru jolal (novembre) 1999, UNESCO (Fedde Ngootaagu Dowlaaji ngam Nehdi, Ganndal e Pinal) nonondiri e waɗtude 21 colte Nyalngu Winndere Ɗemngal Neeniwal. Tuggude e hitaande 2000 nyalngu ngu ene mawninee e nder leyɗeele aduna ɗe kala. Fayndaare UNESCO ko hirjinde e paamgol darnde ɗemngal e nder pinal aadee.Ɗemngal ko kuwtorgal ɓurngal doolnude e hatojineede ngam deengol donaaɗi e ƴellitgol pinal aade. Kuwtorogol ɗemngal neeniwal ngam nehde sukaaɓe lenyol e ƴellitde ganndal ko jojjannde kala lenyol.
                                                        Iwdi 21 Colte
Hayso tawii ko e hitaande ujunnaaje ɗiɗi, 21 Colte wonti nyalgu winndereyankeewu ne, e ngu mawnintenoo to leydi Bangladesh gila e hitaande 1957, ngam siftorde tato e almuudɓe maɓɓe jaaɓi-haaɗtirde ɓe polis Pakistan fellunoo e oon nyalawma taw ene mbaɗa seppo ngam naamnaade keɓtinegol ɗemngal Bengal e ɓaɗtugol ɗum ɗemngal lawakeewal. 

Saturday, February 20, 2016

Defte Kese e Ɗemngal Pulaar

Galle muulngo defte “Les Editions Papyrus Afrique” habrii maa njaltin hannde, 7 Feburye, defte nay (4) e ɗemɗe ngenndiyankeeje ngam mawninde ciftorgol maayde Seek Anta Joop. Ɗeen defte ngoni: “Norwa e Cukalel” ko deftere sukaaɓe winndaa ko e Pulaar wallifii nde ko Baylaa Kulibali; “ Seex yi doon Wer Seen Yaay”, nde tinndoowo ŋana Jeynaba Gey ganndiraaɗo Jeewo; “Booy Pullo” ko deftere fento, wallifii nde ko Abdullaay Jah; nayaɓere ndee ko ko firo e ɗemngal seeraraare, Jime Leopold Sedar Senghor “A Kim Yook”. Papyrus Afrique ko Galle Muuloowo defte binndaaɗe e ɗemɗe ngenndiyankeeje Afrik.

Friday, February 19, 2016

A jaɓɓaama e galle Pulaar Online

A jaɓɓaama e galle ( Binndi Pulaar ) Pulaar Online.  Sikke alaa hannde geeseeji pulaar ene keewi e nder yinorde net.Gooto heen fu ana jogii joofande mum; lower nde yiɗi remde e ngesa pinal fulɓe.Binndi Pulaar, hono no innde mum siforii ɗum ni,fayndaare mum ko saaktude kabaruuji e ko yowitii e binndol e jaŋde Pulaar. Eɗen ngandi ɗemngal men ko fuɗɗii winndeede woonii jooni duuɓi teemedde ɗiɗi. Adan ko alkule arabu anndiraaɗe”Ajami” mawɓe men kuwtortonoo, haa nde alkule kuwtortoɗen hannde ɗee ngari. Hannde Pelle daraniiɗe winndugol Fulfulde ene ɗuuɗi kadi ene carii e aduna hee kala.